පලස්තීනය සමඟ සහයෝගීතාව සඳහා වූ ශ්‍රී ලංකා කමිටුවේ සභාපති – බිමල් රත්නායක වෙත යොමු කෙරෙන ලිපිය

2025 ජූනි 14
හිතවත් රත්නායක මහතාණෙනි,

අපි මෙම ලිපිය ඔබට ලියන්නේ වෘත්තීය සමිතිවාදීන්, විද්වතුන්, ලේඛකයින්, ක්‍රියාකාරීන් සහ මේ රටේ සැලකිලිමත් පුරවැසියන් ලෙසය.

අප ප්‍රකාශ කරන්නේ පැහැදිලිව පෙනෙන දෙයක් වුවද, පලස්තීනය සමඟ සහයෝගීතාව සඳහා වූ ශ්‍රී ලංකා කමිටුවේ සභාපතිවරයා ලෙසත්, නිදහස් පලස්තීන රාජ්‍යයක් සඳහා දිගුකාලීනව පෙනී සිටින්නෙකු ලෙසත්, පලස්තීනය වටලනු ලැබ ඇති බවත්, එහි පැවැත්ම සඳහා ලෝකයෙන් ලබාගත හැකි සෑම සහයෝගයක්ම අවශ්‍ය බවත් ඔබ දන්නා කරුණකි. මේ වසරේ නක්බා දිනයේදී ඔබ මෙසේ ප්‍රකාශ කළේය,: “අපි පලස්තීන ජනතාවගේ අරමුණ වෙනුවෙන් පෙරමුණ ගෙන පලස්තීන ජනතාව විනාශ කිරීම සහ වාෂ්ප කර දැමීමේ සියලු උත්සාහයන් නවත්වන්නෙමු.” දැනටමත් ගෝලීය බලවේගයන්ගේ දැඩි පීඩනයට මුහුණ දී සිටින කුඩා රටක සිට පලස්තීන ජනතාවගේ අරමුණ වෙනුවෙන් නායකත්වය ගැනීම සඳහා අසාමාන්‍ය දේශපාලන අධිෂ්ඨානයක් අවශ්‍ය වේ. එබැවින්, ශ්‍රී ලාංකික ජනතාව වන අපගේ සහාය ඇතිව එම දේශපාලන අධිෂ්ඨානය ක්‍රියාත්මක කරන ලෙස අපි ඔබෙන් ඉල්ලා සිටිමු.

දකුණු ආසියාවේ 1970 දශකයේ මුල් භාගයේදීම ඊශ්‍රායලය සමඟ රාජ්‍ය තාන්ත්‍රික සබඳතා බිඳ දැමූ ප්‍රථම රාජ්‍යයන්ගෙන් එකක් වීමේ ශක්තිමත් සහ ආඩම්බර සම්ප්‍රදායක් ශ්‍රී ලංකා රාජ්‍යයට ඇත. 1988 දී නිදහස ප්‍රකාශයට පත් කිරීමෙන් පසු පලස්තීන රාජ්‍යය පිළිගත් පළමු රාජ්‍යයන්ගෙන් එකක් වූයේද ශ්‍රී ලංකාවයි. එක්සත් රාජධානිය වැනි යටත්විජිත බලවතුන්ගෙන් සම්බාධක පැනවීමේ තර්ජන නොතකා, ශ්‍රී ලංකාව පලස්තීන රාජ්‍යය සමඟ සිටිමින් අපගේ සහයෝගීතාවය ලබා දී ඇත.

කෙසේ වෙතත්, දෙමළ ජනතාවට එරෙහි යුද්ධය ඉදිරියට ගෙන යාම සඳහා, අනුප්‍රාප්තික ආණ්ඩු අවි ආයුධ සහ හමුදා පුහුණුව ලැබීම ඇතුළුව ඊශ්‍රායලය සමඟ භයානක සබඳතා ගොඩනඟා ගැනීමට පටන් ගත්හ. උතුරේ සහ නැගෙනහිර සිංහල ජනපදකරණ යෝජනා ක්‍රම, වධ කඳවුරු, දෙමළ සිවිල් වැසියන් ඉලක්ක කරගත් අත්තනෝමතික අත්අඩංගුවට ගැනීම් සහ බලහත්කාරයෙන් අතුරුදහන් කිරීම්, උතුරේ දෙමළ සිවිල් වැසියන්ට අමානුෂික ලෙස බෝම්බ හෙලීම, ආහාර සහ අත්‍යවශ්‍ය සැපයුම් කපා හැරීම වැනි ශ්‍රී ලංකා රාජ්‍යයේ ඉතිහාසය, ඊශ්‍රායලය විසින් පලස්තීන ජනතාවට එරෙහිව ක්‍රියාත්මක කරන පීඩාකාරී සහ යුද ක්‍රමවේදයන්ට බොහෝ සමානකම් දරයි. පසුගිය වසර කිහිපය තුළ, නැගෙනහිර පළාත ඇතුළුව ශ්‍රී ලංකාවේ විවිධ ප්‍රදේශවල සියොන්වාදය මුල් බැසගන්නා බවක් ද අපට පෙනෙන්නට පටන් ගෙන තිබේ. ආරූගම්බේහිදී සියොන්වාදී ඊශ්‍රායල ජාතිකයින් විසින් දේශීය ජනතාව කොන් කරනු ලබන සහ හිරිහැර කරනු ලබන බවට කනස්සල්ල දනවන වාර්තා අපට අසන්නට ලැබේ. පලස්තීනයේ ජනතාව ඝාතනය කිරීමෙන් පසු ඊශ්‍රායල ආරක්ෂක හමුද (IDF ) සෙබළුන් ‘විවේකය සහ විනෝදය’ සඳහා අපේ භූමියට පා තබන බවට විශ්වසනීය වාර්තා අපට අසන්නට ලැබේ. රට පුරා උපායමාර්ගික ස්ථානවල ‘හබාඩ්’ (Chabads) මධ්‍යස්ථාන ඉදිකිරීම අහිංසක ක්‍රියාවක් නොව, ඊශ්‍රායලයේ අධිරාජ්‍යවාදී ජාතිවාදී පියවරයන්ට යටින් පවතින පුළුල් ආක්‍රමණශීලී සියොන්වාදී වැඩපිළිවෙලේ කොටසකි. ගාසා තීරයේ පලස්තීනුවන්ට එරෙහිව මුදා හැර ඇති ත්‍රස්තය දෙස සියලු දෙනාගේම අවධානය යොමු වී ඇති විට, අනෙකුත් ඊශ්‍රායල සංචාරකයින් අතර ඊශ්‍රායල ආරක්ෂක හමුදා සෙබළුන්ට සත්කාර කරන හබාඩ් ගැන අපට නොසැලකිලිමත්ව සිටිය නොහැක. මෙය යුද්ධය ශ්‍රී ලංකාවට ගෙන ඒමේ සංස්කෘතික හා දේශපාලන පියවරකි.

2023 ඔක්තෝබර් 7 වන දිනෙන් පසු ඊශ්‍රායලයේ ජීවනෝපාය අහිමි වූ පලස්තීන කම්කරුවන් වෙනුවට ශ්‍රී ලාංකික කම්කරුවන් යැවීමේ රනිල් වික්‍රමසිංහ පාලනයේ දෝෂ සහිත ප්‍රතිපත්ති ඔබගේ රජය විසින් අඛණ්ඩව කරගෙන යාමට එරෙහිව අපි දැනටමත් අපගේ දැඩි විරෝධය පළ කර ඇත්තෙමු. ඔබගේ රජය එම කම්කරු අපනයන ගිවිසුම් දිගටම පවත්වාගෙන යාම පමණක් නොව, නව ගිවිසුම් ද අත්සන් කර ඇත. එබැවින්, ඔබ නිදහස් පලස්තීනයක් වෙනුවෙන් පෙනී සිටින බව පවසන අතරම ඊශ්‍රායලය සමඟ රාජ්‍ය තාන්ත්‍රික හා ආර්ථික සබඳතා අඛණ්ඩව පවත්වාගෙන යාම දරුණු විරුද්ධාභසයකි. ඊශ්‍රායලයට පලස්තීනය ‘වාෂ්ප කර’ දැමිය හැක්කේ තෙවන ලෝකයේ රාජ්‍යයන් ඊශ්‍රායලය සමඟ පවත්වන අඛණ්ඩ රාජ්‍ය තාන්ත්‍රික හා ආර්ථික සබඳතා නිසාය. අප ඊශ්‍රායලය සමඟ වෙළඳාම් කරන විට සහ ගනුදෙනු කරන විට, අපි සියොන්වාදී රාජ්‍යයකට ඔක්සිජන් ලබා දෙන අතර එයට ජීවය ද දෙන්නෙමු.

අපි බලයට සත්‍යය කථා නොකරන්නෙමු. අප ඊශ්‍රායලය සමඟ අඛණ්ඩව ගනුදෙනු කරන විට, පලස්තීන ජනතාවගේ ජන සංහාරයට අප ද හවුල් වන බව ඔබ දැනටමත් දන්නා සත්‍යයකි. අපි ඔබට මතක් කර දෙන්නේ ඔබ දන්නා සත්‍යය වන අතර, වචනයෙන් නොව ක්‍රියාවෙන් ඒ වෙනුවෙන් සහ පලස්තීන ජනතාව වෙනුවෙන් පෙනී සිටින ලෙස අපි ඔබෙන් ඉල්ලා සිටිමු.

ඊශ්‍රායලය සමඟ සියලු ආර්ථික හා වෙළඳ සබඳතා කපා හැරීමෙන් පලස්තීන ජනතාව සමඟ සහයෝගයෙන් සිටින්න. ඊශ්‍රායල ආරක්ෂක හමුදා සෙබළුන්ට වීසා ප්‍රතික්ෂේප කිරීමෙන් පලස්තීන ජනතාව සමඟ සහයෝගයෙන් සිටින්න. පලස්තීන ජනතාව සහ අපේම කම්කරුවන් සමඟ සහයෝගයෙන් සිට ඔවුන් නැවත ශ්‍රී ලංකාවට ගෙන්වා ගන්න. මෙම ක්‍රියාවන් තුළින් චීනය සහ රුසියාව වැනි බලවත් රාජ්‍යයන්ට පවා මතක් කර දෙමු, ජන සංහාරක රාජ්‍යයන් දිගටම පවතින්නේ සෙසු ලෝකය විසින් ලබා දෙන දේශපාලන හා ආර්ථික සහයෝගය නිසා බව. අප ඊශ්‍රායලය සමඟ වෙළඳාම් කරන තාක් කල්, අපි පලස්තීන ජනතාව සමඟ සහයෝගයෙන් නොසිටිමු. අපි ඔවුන්ගේ විනාශයට හවුල් වන්නෙමු.

2023 දී COP28 සමුළුවේදී කොලොම්බියානු ජනාධිපති ගුස්ටාවෝ පෙට්‍රෝගේ කතාවේ වචන සිහිපත් කරමින් මෙම ලියුම අවසන් කිරීමට අපි කැමැත්තෙමු: “ගාසා තීරයේ අප දකින දෙය අනාගතයේ පෙරහුරුවකි.” ගාසා තීරයේ අප දකින්නේ අපගේ සාමූහික අනාගතයේ, තෙවන ලෝකයේ අප සියලු දෙනාගේම අනාගතයේ පෙරහුරුවයි. දැන් ක්‍රියාත්මක වී ඊශ්‍රායලය සමඟ සියලු රාජ්‍ය තාන්ත්‍රික හා ආර්ථික සබඳතා කපා හැර පලස්තීනය සමඟ සිටගන්න. කරුණාකර එය පලස්තීන ජනතාව වෙනුවෙන් කරන්න. ශ්‍රී ලාංකික ජනතාවගේ අනාගතය වෙනුවෙන් එය කරන්න.

මෙයට, විශ්වාසි,
1. A. Sornalingam  2. Abirami Sivaloganathan  3. Akshaya Maheswaran  4. Amali Wedagedara  5. Amalini De Sayrah  6. Amara Hapuarachchi  7. Andrew Devadason, Church of Ceylon (Anglican Church), Diocese of Colombo  8. Angelica Chandrasekeran – Holistic Health Practitioner  9. Anithra Varia  10. Anupa Nandula  11. Arjuna Parakrama  12. Asela Bandara Ihagama  13. Ashila Dandeniya, Stand Up Movement  14. Asma Edris  15. B. Gowthaman  16. Balasingham Skanthakumar  17. Bishop Duleep de Chickera  18. Bishop Kumara Illangasinghe, Bishop Emeritus of Kurunagala  19. Chamila Thushari, Dabindu Collective.  20. Chameera Perera  21. Champika Samaranayake  22. Chandra Devanarayana, RED Organisation  23. Channaka Jayasinghe  24. Christine Perera, Activist  25. Chulani Kodikara  26. D. F. Suren Krishanth  27. Dhammika Priyadarshanie  28. Dhanusha Gihan Pathirana  29. Dharmasiri Lankapeli  30. Dileepa Manawadu, Kinder Republic  31. Dr. Maas Misha’ari Weerabangsa, Co-Lead Programmes, Delete Nothing  32. Dr. Ranil D. Guneratne  33. Dr. Upul Wickramasinghe – University of Edinburgh  34. Dulwin Thisaru Guruge  35. Ermiza Tegal  36. Father Lionel Peiris  37. Fathima Nabeela Iqbal  38. Fazeer Mohomed  39. Fr. Jeevantha Peiris  40. Fr. Terrence Fernando  41. Gunathilakage Melani Rasanga Premasiri  42. H. Prasanna Sanjeeva Peiris  43. Hana Ibrahim  44. Hans BIllimoria  45. Harith Ariyawansa  46. Hiranyada Dewasiri  47. Imran Rajabdeen  48. J. A. Aruna Premathilake  49. J.A Anura Patrick Gregory Perera  50. J.A. Anura Patrick Gregory Perera  51. J.A. Jude Milan Premathilake  52. Jade Jayawardena  53. Janakie Seneviratne  54. Jansila majeed, Activist  55. Jayanthi Kuru Udumpola  56. Jeyabalan Croos, Mannar  57. Jeyakumar Jathusan  58. Kalpa Rajapakse  59. Kamil Asmi Mohamed Shabeer  60. Kanaka Abeygunawardana  61. Kasumi Ranasinghe Arachchige  62. Kirupaimalar Hoole  63. Krishantha Fredricks  64. Kumudhini Samuel  65. Kumudu Kusum Kumara  66. Lakpriya Nanayakkara  67. Latheef Farook-Senior Journalist  68. Madurapperumage Sachini Sewwandi  69. Mahbooba Refaideen  70. Mahbooba Rifaideen  71. Mahendran Thiruvarangan, University of Jaffna  72. Mario Gomez – International Centre for Ethnic Studies  73. Marisa de Silva  74. Megara Tegal  75. MHF Haseeba  76. Minoli de Soysa  77. Mohamed Aathif Halaldeen  78. Nagulan Nesiah  79. Natasha Van Hoff  80. Nicola Perera  81. Nirmal Ranjith Dewasiri  82. Pamodi Hewawaravita  83. Pasan Jayasinghe  84. Priyanthi Fernando  85. Prof. Harendra De Silva  86. Prof. S. Ratnajeevan H. Hoole  87. Puni Selvaratnam  88. Rajan Hoole  89. Rajitha Rathnayake  90. Prof. Ranjini Obeyesekere  91. Rasika Saman Piyasinghe  92. Renuka Senanayake  93. Rohini Hensman  94. Ronashi Perera  95. Ruki Fernando  96. Ruwanthie de Chickera – playwright  97. Sadique Mohamed Salih  98. Sakuna Gamage  99. Sakuntala Kadirgamar  100. Saman Pushpakumara  101. Sandun Thudugala  102. Sathya Charith Amaratunge  103. Shalika Wimalasena  104. Shelani Palihawadana, AAL, Co-Lead Operations, Delete Nothing  105. Shilpa Amerynth Samaratunge  106. Shreen Saroor  107. Sifaan Zavahir, Kinder Republic  108. Sr. Nichola Emmanuel  109. Stella Phillips  110. Sugath Rajapaksha, Shramabhimani kendraya  111. Suhaina Razaq  112. Sumathy Sivamohan, University of Peradeniya  113. Sunanda Deshapriyam, Editor, Sri Lanka Brief  114. Sundaram Sasidaran  115. Suranjaya Amarasinghe  116. Swasthika Arulingam, United Federation of Labour  117. Sylvester Jayakody  118. Tehani Ariyaratne  119. Thanujah Nagarajah  120. Tharanga de Silva  121. Tharindu Jayawardhane  122. Tharindu Uduveragedara  123. Tharushi Dishara Fernando AAL  124. Thasneema Dahlan  125. Themal Ellawela  126. Thirimadura Anuka Vimukthi De Silva  127. Thushara Kulatunga  128. Tisaranee Gunasekara  129. Udaya Kalupathirana  130. Wijepala Weerakone  131. Yasantha Chamara Jayasooriya  132 .Zainab Hassen  133. Buwanaka Sagindra Perera